જીડીપી ૦.૯ ટકા ઘટીને ૭.૧ ટકા

જીડીપી ૦.૯ ટકા ઘટીને ૭.૧ ટકા

નોટબંધીને કારણે ૨૦૧૬-૧૭માં જીડીપીમાં ૦.૯ ટકાનો ઘટાડો થયો છે.
ઉલ્લેખનીય છે કે વડાપ્રધાન નરેન્દ્ર મોદીએ ૯ નવેમ્બર, ૨૦૧૬ના રોજ ૫૦૦ અને ૧૦૦૦ રૃપિયાની ચલણી નોટો રદ કરવાની જાહેરાત કરી હતી. જેના કારણે ચલણમાં રહેલી ૮૭ ટકા નોટો રદ થતાં બજારમાં રોકડની અછત સર્જાતા વિવિધ વસ્તુઓની માગ ઘટી હતી. માગ ઘટી જતા કંપનીઓને ઉત્પાદન ઘટાડવાની ફરજ પડી હતી.

બીજી તરફ નોટબંધીએ ભારતને જીડીપીની બાબતમાં ચીનથી પાછળ ધકેલી દીધું છે. જાન્યુઆરીથી માર્ચમાં ચીનનો જીડીપી ૬.૯ ટકા હતો જ્યારે ભારતનો જીડીપી ૬.૧ ટકા રહ્યો છે.

૨૦૧૬-૧૭ના ત્રીજા કર્વાટર એટલે કે ઓક્ટોબરથી ડિસેમ્બર દરમિયાન ભારતનો જીડીપી ૭ ટકા રહ્યો હતો. સરકારના જણાવ્યા અનુસાર ૨૦૧૬-૧૭ની નાણાકીય ખાધ જીડીપીના ૩.૫૧ ટકા રહી છે.